近年來有許多客觀因素，如全球經濟情況的波動以及家庭結構的變化，令某些家庭提早或延遲子女的海外升學計劃。當計劃趕不上變化時，有可能會出現一些狀況，例如：同學年紀上的限制，或是已過了J-1/F-1 美國高中交換生計劃的報名日期。遇上這樣的情況，家長和同學應該如何應對？今次故事的主角Lawrence一家正正是這個情況。
五月中的一個下午，我接到了Lawrence 媽媽的電話，她帶點焦急地說：「Kiki，我哋想快啲送阿仔去美國讀書，宜家仲趕唔趕得報J-1/F-1 美國高中生交換計劃？」
我去年認識他們，他們對兒子的教育一向很有規劃。但因為某些家庭因素，他們想提早送Lawrence到美國讀書。可是，五月已經過了美國高中交換生計劃的報名日期。若要報讀此計劃，便要等待明年的招生時間。
「咁我哋宜家應該點做好啊？」Lawrence 媽媽問。
我想了一會，再考慮Lawrence 現時的情況 – 他現時在香港就讀中四，已年滿十六歲，校內成績中等，性格開朗，加上父母亦很支持他提早到美國讀書。所以，我便向他們提議直接入讀一所適合兒子的社區大學 。
「不過，我想問如果佢咁早去讀大學會唔會有問題㗎 ？」Lawrence 媽媽問，這也是很多家長的第一反應。
「我都明白你哋可能會諗阿仔會唔會太細個，同其他同學仔年齡差好遠而唔夾。」我說：「呢間社區大學入面有 30% 學生同Lawrence年紀差唔多，唔擔心會玩唔埋。」
「佢直接讀大學，咁咪比其他同學少咗一張高中畢業證書囉？」
「社區大學入面有一個『完成高中計劃』，可以俾Lawrence一邊讀社區大學，一邊考返呢張高中畢業證書，唔使話驚比其他同學少咗張證書。」
「咁好？！呢間社區大學有冇問題嫁？有咁著數？」Lawrence 媽媽感到很疑惑。
「呢間美國社區大學排名第13，學校質素有一定保證，而我亦都係喺呢間社區大學出身，我對佢哋嘅教育方針好有信心。」我接著說：「Lawrence可以喺呢間社區大學讀兩年先，做返好啲嘢，例如補返張中學畢業證書、適應美國的生活，再轉去其他心儀嘅大學。學校入邊亦有學術顧問，幫助同學轉去理想嘅大學。」
「仲有，我想問突然轉去讀大學會唔會好貴？我哋原本冇預咁多錢俾阿仔去美國嗰邊讀書喎。」
「社區大學嘅學費比起其他大學相對平好多，可能只係比美國交流生貴幾千蚊美金。當然，亦都要考慮你哋家庭嘅狀況。」我說。
「聽落好似好唔錯，宜家先報名趕唔趕得切嫁？」
「可以，社區大學嘅開學日子、報名時間唔一樣，宜家報名仲嚟得切。」
就這樣，Lawrence 於十六歲那年入讀了美國的社區大學。我們跟Lawrence 媽媽也很著緊，生怕他會不適應。可是，沒想到他很快便結交了幾個好友，並經常相約打籃球。雖然他需要花多一點時間處理學業上遇到的困難，但學校老師及學術顧問十分支持他，給了他許多學習上的幫助，我們相信Lawrence定會有一個美好的留學年。
最後，我們也要強調，雖然這是比起其他同齡同學提早入讀大學，可是像Lawrence這樣的情況確實是少了美國高中生的生活體驗，加上每間社區大學的收生標準不一，建議家長和同學一同商量，考慮同學的學習目標、性格、成績、家庭狀況等因素，作出一個最合適的升學選擇。
