【KikiAllAboutUS】洛杉磯平價美食推介

講起美國,大家都會諗起去outlet掃貨(Hollister/A&F真喺抵)、買保健品,但食野就好似比較貴,而且要俾小費,去旅行都要諗好度好去邊間餐廳。有數年作為留學生經驗嘅我,慢慢都識得平靚正地「搵食」。其實美國嘅大城市,東岸如紐約New York、奧蘭多Orlando,或者西岸如LA洛杉磯、San Fran三藩市、Seattle西雅圖等等有好多性價比高、留學生必食嘅菜式同餐廳。我曾經喺美國幾個城市生活過,而我嘅大學所在地LA更喺一個集合各地名菜嘅地方!🌭🍕🍱 以前每晚喺Library行出來就見到到處都喺加州風味嘅墨西哥菜(Cal-Mex),幫襯最多嘅當然喺Taco carts🌮🌮,而有品牌嘅墨西哥餐廳近年就出動埋Taco trunks餐車(即喺好似香港2、3年前開始引入嘅美食車)。 喺Taco carts食一個taco,當年只喺賣$1美金一個(約$7.8港幣),而家物價上漲左少少,都只喺$1.5美金(約$12港幣),每個都有手掌咁大,粟米餅corn tortilla上面鋪滿番茄莎莎醬salsa(唔喺M記之前出果隻薯條果個level呀😳)、豆蓉 refried/ white/ black bean、飯、當然仲有最正嘅Guacamole (牛油果醬🥑)!! (btw有無人可以話我聽香港邊度有好食、有牛油果香嘅牛油果賣?) 喺加州食cal-mex版本仲有金黃色的車打芝士碎 shredded cheddar cheese,加埋辣椒汁jalapeno sauce,行過見到佢地煎到沙沙聲真喺忍唔到口!🤤而家雖然已經畢業咗N年,但每次返LA工作,一落機無論幾夜都要去最近嘅Mexican餐廳食返兩個tacos。 講左咁耐啲口水都流到落地,都要推介下我一試難忘嘅taco先敢收筆 – 喺洛杉磯南加大USC附近有個小廣場,角落位有間暗暗的店叫La Taquiza,google review有4/5星,裡面個Rib Meat Taco($1.65美金,$13港幣)喺韓燒汁醃完再燒嘅肋排taco,試左一次後我連續食左3日☺ 地址: 3009 S Figueroa St, Los Angeles, CA 90007,你地旅遊去LA的話記得外賣幾個俾我呀唔該! ese,加埋辣椒汁jalapeno sauce,行過見到佢地煎到沙沙聲真喺忍唔到口!🤤而家雖然已經畢業咗N年,但每次返LA工作,一落機無論幾夜都要去最近嘅Mexican餐廳食返兩個tacos。講左咁耐啲口水都流到落地,都要推介下我一試難忘嘅taco先敢收筆 – 喺洛杉磯南加大USC附近有個小廣場,角落位有間暗暗的店叫La Taquiza,google review有4/5星,裡面個Rib Meat Taco($1.65美金,$13港幣)喺韓燒汁醃完再燒嘅肋排taco,試左一次後我連續食左3日☺ 地址: 3009 S Figueroa St, Los Angeles, CA 90007,你地旅遊去LA的話記得外賣幾個俾我呀唔該!

【KikiAllAboutUS】長途機survival guide part 1🛫

呢幾年好多航空公司新增嘅航線,令鍾意旅行嘅人有更多航空公司/目的地選擇(認真,HongKong Airlines唔出嘅話,你會唔會諗過去龍帕邦? 邊度?#唔講唔知,好似係老撾嘅一座古城。老撾喺邊?喺泰國東南邊啊。),最開心嘅,當然係長途機選擇多咗,機票價錢都相對平咗!好似我啱啱5月去洛杉磯果程,來回只需$3,100港幣🤑(大家留意下地鐵站,呢間航空公司有時有賣廣告㗎) – 去美國嘅機程,普遍需要12-15小時,如果做好計劃,其實呢12小時係可以輕鬆過嘅😉 由留學生時期到而家到美國出差,經過不少於22程美國長途機的trial and error,我領悟咗唔少心得,大家可以試下幫唔幫到你哋! – 出發前㊙️ 1)訂機票時如果有得揀,選擇早機去,因為去到美國果陣,因為時差問題,落機通常都會喺上機果一日嘅朝早/中午左右,好處係多咗一日時間用。 2)(呢條要頭腦清晰地睇💡)早機另一好處係, 因為落機果刻係美國嘅朝早,所以你喺飛機上嘅12個鐘其實係美國嘅半夜, 因此唔怕喺飛機上面大訓特訓,只要你訓得著,除咗食飯,其他時間訓曬佢都得!咁到你訓醒落機果刻就有體力用了。 3)乘上題,咁如果我喺飛機訓唔著呢?我上機果刻係香港朝早來㗎喎…咁我喺美國第一日咪好攰囉?聰明嘅你應該已經諗到,我嘅對策就係前一晚唔·訓!☕️ 如果買得到朝早7點鐘嘅機票,其實5點就要去到機場,即係3點幾4點喺屋企出門口,咁其實前一晚食完晚飯之後,跑個步、睇場戲、打點下行李都差唔多時間。當然,呢個自己量力而為,衛生署建議我哋至少每日訓足8小時嘅😛 4)Check清楚手提行李,記得唔好有超過100ml嘅液體,尤其係喺美國返香港果程。 留學生時期,我試過經過一年後寄倉太多,唔記得咗限額,將一支新買嘅body lotion放咗喺手提行李…結果要成支全新Bath and Body Works扔咗,好心痛😭 5) 手提行李都要帶埋自己要用嘅耳塞、枕頭、椅墊等等,ladies更加可以帶保濕噴霧、面膜(不過有人話保濕,有人話水份會倒吸,唔知邊個啱?🤔)我仲會帶一張保護脊椎嘅椅墊或者喺按摩穴位果啲波波) 大家消化一下先,下個post我再講埋上到飛機同落機!

【KikiAllAboutUS】8個美國留學生奇怪生活習慣

去到美國讀書,文化、生活規律唔同咗,當然會出現好多奇怪又好笑嘅生活習慣,今次我徵集咗唔同美國同學喺美國讀書做過嘅事,俾大家笑下。1) 飲水喉水🚰美國某啲城市嘅水去到你屋企之前已經過濾咗,直接打開水喉就飲得,唔洗再煲。 2) 屋企無水飲💧如果你個城市啲城市啲水無得直接飲,屋企就經常會因為唔記得買而缺水幾日,要等到返學校飲😂 飲用水可以喺超市拿個大樽去拿,或者買濾水器過濾。 3) 叮水🛎學生為咗慳錢唔買水煲,無熱水就用微波爐叮,錢係慳返但係唔知會唔會有輻射🤔 同埋啲叮水真係有啲難飲,用來沖咖啡還可以。 4) 早午晚三餐都食早餐🍳讀大學要衝GPA,而且有時間寧願約朋友/做運動/洗衫,所以早餐簡單cereal,午餐整個三文治,夜晚喺屋企打開雪櫃見到啲材料又唔係好想煮,再見到支牛奶結果決定快快脆脆都係食cereal做晚餐算🤷‍♀ 5) 同一套衫著兩日👕承上題,無咩時間洗衫,諗諗下發現聽日上堂schedule同今日無一樣嘅堂,做個環保小先鋒,套衫都係著埋聽日先洗😳 6) 著gym衫著成日⛹‍♂10% 因為自己lunch time會做運動,做完立即去上堂,所以沖完涼換件乾淨T-shirt就去上堂👍90% 因為好多美國同學日日去gym同打校隊,見佢地著得咁型成個LeBron James咁,所以我都著下,應該都似Jeremy Lin 👍👍😬 7) 唔買教科書📚因為新書太貴,要幫屋企慳錢,同個friend夾埋,你星期一上數學,我就星期二先上,咁就可以同一本書輪住用喇。#唔講唔知 香港教科書貴,美國教科書亦都唔弱,美國有本哲學教科書,一本就賣$1,450美金!堪稱全美最貴😨 不過唔洗驚,有好多網站可以買到平嘅二手書,我就最鍾意用chegg同Amazon,差唔多大部分書都只需要半價至3折!😉 8) 出席好多校園活動,因為有free pizza 🍕 唔想煮飯,唔想早午晚三餐都食早餐,唔想出街食太貴,當然就要靠唔同學會嘅free pizza 🤤