fbpx

【家長必問】做完美國交換生,真的可以免DSE升大學嗎?

每次喺美國升學嘅分享會,好多家長特別關心呢個問題:「喺香港去美國讀高中、做交換生,真係銜接到美國大學?」呢個問題,唔係一句「係呀。」就解釋到,要家長真正放心、明白,我通常都會先解釋美國學制係如何運作,令家長們更熟悉整個美國教育體系同來龍去脈,再回顧返點樣銜接,咁就更容易掌握。


咩係美國高中交換生?只要年齡介乎15-18歲,學生都可以申請美國高中交換生,去美國高中讀一年書,並入住寄宿家庭。計劃由美國國務院審核,家庭同埋學校都係經過美國官方機構審批,十分安全可靠。好多香港學生唔適應「一試定生死」嘅教育模式,都會申請呢個計劃,配合美華文化教育顧問幫手規劃,令同學可以免公開試,升讀心儀大學。
以下一啲問題係我哋家長比較常問嘅問題,相信可以幫到你手,了解更多美國升學嘅基礎:

聽講可以唔洗考DSE就升到大學,即係點呢?

同學喺美國交換生嘅一年期間,就讀美國高中,完成一年後,只要年滿16歲,就可以無須任何公開試成績,入讀兩年制嘅社區大學。兩年之後,再利用大學成績同埋學分,申請轉校,直達心儀大學三年級。

我囡囡去到美國高中,課程會唔同哂,咁點算?

唔洗緊張,喺美國高中作為交換生嘅教育模式同大學類近,同學可以自由選修唔同領域嘅科目(包括香港高中未必有齊嘅心理、外語、犯罪學等),等同學喺升讀大學前,探索自己嘅興趣同專長,選好自己有志向發展嘅學系。最重要嘅係,無論同學喺交換生呢一年選擇任何科目都好,美國兩年制嘅社區大學都會承認學歷。另外,美國高中嘅同學係要自己去到唔同課室上堂,所以同學喺高中階段已經開始習慣呢個大學嘅上堂模式,日後更加快適應大學嘅生活。

個仔喺香港讀書啲英文還好,但去到美國全部都係當地同學,咁佢成績咪會唔夠人哋叻?

喺香港受教育嘅各位家長同學,通常習慣香港應試教育模式,都會擔心去到美國成績會跟唔上。有兩點可以令你哋放心:首先,香港嘅高中課程比其他國家困難,所以當同學去到美國嘅時候,會發現課程比香港淺易,比較容易取得好成績。另外,美國高中嘅學習風氣鼓勵互相幫忙同有建設性嘅討論,大家都會希望你可以喺自己嘅發展、升學路取得成功,因而會盡佢哋嘅能力支持你。所以唔需要擔心會有高壓力「鬥成績」嘅情況出現。
小總結美國教育系統令同學可以輕鬆學習同攞到好成績,唔再因為自己嘅天資或短暫嘅成績斷定以後嘅升學路,甚至前途。同學可以喺高中修讀自己真正有興趣嘅科目,鑽研深造,唔洗勉強融入單一嘅考試系統,達到自己嘅理想。

Posted on Dec 15, 2019

Article by admin / Blog / No Comments