美國升學貼士- 3 個重點邊睇美劇邊學英文

去海外升學,學好英文係好多同學嘅首要任務。唔想背書式學英文,好多去美國升學嘅同學們發現由日常生活學英文係最有效,例如煲劇、睇戲嘅成效超係顯著,亦包括我在内。萬事都有原因,先用啲學術證據吸引下大家先😛 哈佛大學既發展心理學教授Howard Gardner提出既多元智能理論發現,唔同人用返適合自己的學習方式,係會學習的特別得心應手。 有啲人用聽的方式學習會明白的快啲(好似身邊總有朋友可以聽歌學識韓文/日文),有啲用睇會快啲(睇書、寫notes好快果啲),諸如此類。我就建議同學試下用睇電影來吸美國當地文化同埋語感。原因係電影有聲有影,無論你係邊種學習方式都有幫助,而且一路睇亦都一路增加平日同朋友傾計既題材,幾個人一齊睇既時候,唔洗不停對話但又可以同新朋友social到,真係好啱新去到外國升學,適應緊語言既同學。 當年我第一年喺美國生活,都睇左100套英文戲,分享下啲俾想平平地學英文同適應外國留學生活既你: 升學煲劇學英文具體策略 1)揀電影一定要揀你有興趣既片睇,唔好有壓力。Ironman、復仇者聯盟、美國動畫、搞笑片、音樂劇musical乜都得。甚至你好鍾意一個外國影星,覺得佢好靚仔靚女,不停睇曬佢既戲亦得(例如我6年前已好「欣賞」Bradley Cooper🤤由佢出道既戲睇到最新A Star Is Born)。記得我地唔係要特登學習套戲入面啲內容,唔洗揀啲文學片、有深度,總之係英文既,有聲既戲就得(不好意思,Charlie Chaplin)。 2)一開始睇,一定要開英文字幕,就算覺得跟唔切,睇多咗之後,英文詞彙會烙印咗係你腦入面,突然一日會發現自己識多左生字。掉返轉,無論如何都要堅守唔好開中文字幕,等個腦習慣。 3)一路睇一路有啲字唔明,唔洗停底查Google,盡量睇曬成段,明白幾多得幾多。反而係去到睇完成套戲之後,如果你仲記得頭先有個字唔明,果啲字先係你自然發自內心好奇想學既字,果刻再去查Google,就真係記得同用得返! 就算成套戲得1-2個字你有興趣查都唔緊要,積少成多,都係果句,無壓力既,你啲詞彙會慢慢開發起上來。 每個人興趣同進度都會有唔同,不過肯定既係,只要開始睇第一套戲,你今日既英文一定俾琴日進步😉 下次再講多啲! 如果你有美劇/電影推薦,亦都非常歡迎! ——————————— 美國交換生計劃係咩嚟?可以睇下 【 呢度 】 搶先登記 【 升學分享會 】 【WhatsApp查詢】96806823

精通英文,先可以做交換生?

同學有興趣去美國讀書,但又猶豫,因為擔心自己嘅英文能力!美國交換生計劃,本身以交流文化、體驗地道美國生活為主要目的,唔係要篩選讀書精英。而對於同學嘅英語要求,只要同學有基本英語能力,能夠理解老師上堂講課嘅內容就可以喇。做交換生,唔駛越級挑戰TOEFL、IELTS,操卷考高分嘅! 愉快學習免考試壓力IELTS、TOEFL都唔駛考!由於美國高中交換生計劃以促進國際交流為主要目的,所以申請程序同入學要求都會比直接申請美國大學更簡單。一般而言,申請美國名牌大學,除咗要求成績優異,仲要英文考試IELTS、TOEFL夠高分,額外再加課外突出表現、自薦信等等……有啲中六同學為咗多一重保障,同時應考DSE、SAT、TOEFL,可以想像到考試壓力係幾咁大。但如果提早一、兩年去美國,參加交換生計劃,作為將來升學嘅踏腳石,只要通過美國認可嘅中學生英文水平考試ELTiS,已經滿足所需嘅英語條件喇!順利到美國讀書後,同學喺環境優勢之下,英語水平絕對會大幅提升。將來有需要時,再考IELTS、TOEFL,想考取高分並唔難。 ELTiS考啲咩?國際中學生英文水平考試The English Language Test for International Students(簡稱ELTiS),係獲得CSIET (Council on Standards for International Educational Travel)認可,推薦俾美國交換生應考嘅英文考試。同IELTS、TOEFL唔同,ELTiS考試時間總共70分鐘,只係分為兩部分:閱讀同聆聽,唔需要考口語同寫作。由於ELTiS嘅目的係確保交換生嘅英語能力,能夠應付日常上課,充分享受喺美國交流嘅樂趣。因此,考試題目都好貼地,根據美國學校實際環境有可能會發生既情況出題。聆聽部分以學校的情境題為主,包括老師嘅指示、課堂內容節錄、數學題等;而閱讀部分除咗常見嘅選字填充,同埋閱讀理解,亦有統計圖表閱讀,測試同學嘅詞彙基礎,同埋不同方面嘅理解能力。只要通過ELTiS,已經可以證明同學有足夠英語能力,應付美國高中生活,等於拎咗半張交換生嘅入場券;同時令家長同同學更放心,同學絕對有能力適應美國嘅學習生活! 咁去應考ELTiS之前,洗唔洗溫定書先呢?我地建議同學唔好只為應考,花太多時間去操練自己嘅英文!因為美國交換生計劃係想唔同地方嘅學生去美國交流,深入認識美國,並唔係要以精英制搵出一班高材生,俾佢地參加。所以,同學最好係以平常心應考,盡自己嘅能力去達標就已經足夠。去到美國之後,全心投入生活當中,你嘅英文自自然然就會更流利。 適應美國環境 心態最重要除咗英語能力之外,同學嘅心態先係順利融入新環境嘅關鍵。好多同學初時去到美國,都未必掌握到美國人嘅口音同語速,不過慢慢就會習慣,可以流利地英語對答。因此,同學最緊要準備良好嘅心理狀態,勇於開口、熱衷嘗試新事物、認識新朋友……真正融入的第一步,唔只係準備你嘅各種技巧,而係踏出舒適圈,深度體驗每一刻喺美國嘅高中生活。

成為美國高中交換生的4大條件!

每次一提到高中交換生計劃,都會令好多家長、同學「登一聲」:50%費用由美國國務院資助,以超實惠價格去美國讀書;免公開試銜接大學,可以作為升讀名牌大學嘅跳板;由美國政府審批,安全可靠;入住寄宿家庭,深度認識美國文化。由於呢個計劃係全球學生都可以參加,加上每年交換生數量都有限額,想參加就快啲睇吓自己合唔合資格,快啲行動喇! 最緊要:未考DSE! 高中交換生計劃由美國政府審批,目的係俾全球青少年去美國交流,深度體驗美國文化,所以只要同學界乎15至18歲,又未考DSE,已經成功一大半,符合基本報名資格喇!有啲同學去完講座,都會好後悔咁同我講:「點解我唔早啲知呢個計劃!」如果同學真係想去,就唔好諗住拖多一年。因為超齡係無得報名! 鍾意體驗異國文化 呢一點係非常非常重要!如果你平時鍾意去旅行,又或者對唔同地方嘅文化都好好奇,咩都鍾意試吓,咁你呢一年將會過得好開心;亦有啲同學特別鍾意睇美劇、鍾意美國電影,對美國文化有一定興趣,去到美國自然如魚得水,非常享受同投入呢一年嘅學習生活。我地大部分既同學,成為交換生之前從來未去過美國,係今一年遇見、學到既野都係從來未諗過既。去到美國嘅呢一年,你得到最珍貴嘅唔係書本嘅知識,而係你嘅所見所聞。因此,對世界有一份好奇心,有勇氣踏出自己嘅舒適圈,係作為交換生嘅重要條件。【KikiAllAboutUS】洛杉磯平價美食推介留學不只死讀書!5個送子女出國留學的理由 聽得明、睇得明基本英文 交換生計劃嘅目的係俾各地青少年增加交流嘅機會,所以只要同學嘅英語能力可以應付日常上課,就可以報名喇!咁即係要考IELTS、TOEFL?完全唔駛!其實,IELTS、TOEFL對一般中學生嚟講,始終程度比較深。所以,美國有一個專門為國際中學生而設嘅英文考試,只要通過考試,就可以參加喇。想知多啲考試詳情?立即報名參加講座,即送模擬試名額! 校內成績唔駛科科A 有同學問:「係咪要優異生要可以去?」雖然交換生名額有限,但係呢個計劃並唔會用成績嚟篩選學生,因為美國政府更注重交換生嘅性格同品行,例如積極參加各類活動、獨立等等,主要係想各地青少年都能夠親身深入了解美國、同多啲當地人交流,達到促進國際交流嘅目的。因此,只要同學過往三年校內成績平均分合格,已經符合成績要求。 小總結 做交換生,其實唔難。好多美華文化嘅同學好快就成功申請,搵到適合嘅家庭同學校。好多時候,機會就係眼前,關鍵在於你有冇行多一步咋。如果你想去美國做交換生,就唔好再猶豫喇!

點解美國交換生可以20歲大學畢業?

「參加美國高中交換生,可以早2年大學畢業!」呢條數點計出嚟?點解交換生可以快啲畢業? 好多同學喺美國高中讀一年書之後,都會直接跳過公開試,喺社區大學讀2年,再銜接美國頂尖名校(例如USC、UCLA等)讀2年。如果同學今年15歲,大學畢業時就啱啱好20歲(1年高中+2年社區+2年常規大學)。因為同學仲年輕,選擇繼續深造,變相減少將來嘅壓力;或者比同齡人更早投身社會,賺取更多人生經驗。有啲家長好好奇,咁如果唔係15歲,又想早啲畢業呢?一樣有方法!同學可以喺高中申請報讀AP®課程,提前修讀大學學科,日後喺大學可以申請豁免學分,可以早啲畢業,又慳埋大學學費。 AP成績獲全球大學認可添升學優勢AP同SAT同樣由美國大學理事會(College Board)主辦。Advanced Placement(AP),即大學先修課程,程度相當於大學一年級課程。學生可以自由修讀不同科目,應考AP考試,AP成績優秀除了有助升讀大學,日後更可藉此申請各類獎學金、豁免學分、跳級等。 AP課程唔單止俾同學更充分地探索、按照能力發展所長,AP資格更係國際認可嘅能力證明——AP備受世界頂尖學府認可,超過55個國家3,600多所大學都承認AP考生嘅學前學分,包括香港、英國、美國等。唔少美國大學睇重AP成績,因為AP唔止肯定同學嘅學術能力,亦展現同學積極良好嘅學習態度。 同等學費 得到更豐富的知識學生升讀大學後,可憑AP成績跳過基礎班,直接深入鑽研心儀學科,或者利用省卻嘅時間發掘其他興趣;即使將來修讀嘅學系並不相關,學生亦可以申請副修,發展自己的第二專長。 係咪成績好好先可以讀AP? 課程按不同深淺,分成普通班、榮譽班,同埋AP三個等級。進度按同學嘅個人能力而定,同學只要向學校表達意願,就可以報讀AP課程。因此,只要好好運用喺美國學習嘅時間,你除咗得到一年異國交流體驗,亦有助訂下人生目標,逐步向前邁進。 AP課程喺美國已經係非常流行,曾經更有本地學生一年之間以AP課程學分慳到半年嘅大學時間!當然,學習能力人人唔同,我地建議有能力嘅交換生可以先嘗試1-2科AP課程,覺得可以應付後,先再「加碼」,睇下會唔會再多讀幾科,因為始終交換生一年嘅生活,最重要係文化交流,試多啲唔同嘅活動。如果過度專注學業,就會扭曲左交換生生活嘅精髓。記得喇!