留學不只死讀書!5個送子女出國留學的理由

有啲學生想去美國讀書,但因為各方面原因而猶豫不決,例如唔捨得屋企人、唔捨得朋友等等。不過,佢哋通常去到美國之後,都唔會後悔,因為留學生活帶俾佢哋好多意想不到嘅得著。 1.充分探索,搵出天賦學生去到美國,重新適應一個唔同嘅教育環境同學習風氣,唔再係不停考試、測驗,唔再係睇分數、同其他同學競爭,而係鼓勵互相幫助,一齊學習。學生唔需要再為成績,選修較有把握但無興趣嘅科目,而係真真正正讀自己鍾意嘅科,自然更有動力投入學習。 而且,美國中學選科多樣化,學生可以自由選擇鍾意嘅科目,例如環境科學、獸醫等。學生喺中學時期盡情探索,避免第時入大學揀錯科,即使之後唔喺美國升大學,一樣對升學大有幫助! 2. 擴展美國人際圈喺美國中學讀書,絕對唔止識自己班上嘅同學!因為美國上堂模式同香港好唔同,比較似大學——學生揀咗咩科(有啲科仲有細分唔同範疇同等級),就會走去特定課室上堂,所以每堂都會識到唔同年級嘅朋友! 而且,學生會參加各種課外活動,識到相同喜好嘅朋友,加上入住寄宿家庭,更有機會同寄宿家庭以及佢哋嘅親朋好友一齊慶祝節日、郊遊等等。因此,學生係美國唔係淨係識到幾個同年級嘅朋友,而係建立美國人際網絡,有助日後適應美國升學同生活。 3.更明白事理,注重家庭關係睇到呢度,家長可能會笑:「去到美國,佢哋唔捨得返黎添啦!」無錯!一開頭學生係會好興奮,咩都好新奇。(我當年都係一樣哈哈)但係過咗一段時間之後,尤其是到咗一啲大時大節,同學會特別思鄉,好想返香港、好掛住屋企…… 而且,留學生活令學生變得更加明白事理、更加成熟。因此,學生會更加注重家庭關係,學識珍惜同家人相處嘅時間,家長同子女嘅關係自然變得更好。 留學生活令學生變得更加明白事理、更加注重家庭關係:學識珍惜同家人相處嘅時間,家長同子女嘅關係自然變得更好。 【學生個案】留級生重拾學習自信 【學生分享】體驗當地生活 明白家庭的重要 4.增廣見聞,開拓眼界學生喺美國嘅時候面對各種大大小小嘅文化衝擊,例如美國人冬天照飲冰水、結婚前專登曬黑覺得靚啲等等,令學生深度認識美國文化之餘,亦會見識到唔同嘅生活方式。放假嘅時候,同學又可以利用地理優勢,去附近城市遊歷(甚至可以同寄宿家庭去遠啲嘅地方旅行),認識更多其他地方嘅人文歷史。見識多咗,有助擴闊學生嘅思考,發掘人生更多可能性,奠定真正適合自己嘅未來發展方向。 5.累積人生閱歷去一個全新嘅地方居住一段長時間,同去旅行嘅感受係完全唔同!去旅行時無諗過嘅問題,例如垃圾應該點分類、邊度可以配鎖匙,喺生活嘅時候一一浮現,點樣解決、用咩心態面對,都係一個個學習嘅機會。 呢啲深度體驗異國文化嘅經歷,絕對唔係睇書、睇紀錄片可以搵得到,因為每個人嘅旅程都係獨一無二嘅。去過嘅地方、識過嘅人、所有對話、所有領悟……除咗成為珍貴獨特嘅回憶,仲會一點一滴幫助建立學生嘅價值觀,啟發未來嘅人生。 小總結家長送小朋友出國讀書,無非希望成就子女有一個更好嘅未來。喺求學階段,俾小朋友一個學習機會——令佢可以搵到自己真正鍾意嘅嘢、開拓眼界、擴闊社交圈子及建立正確人生觀,對小朋友嘅將來都有重要而深遠嘅影響。 美華文化專業顧問Kiki Wong曾參加美國高中交換生計劃,及後升讀美國首21名大學南加州大學,於美國三個城市生活七年。從事升學諮詢服務多年,透過深入了解學生及豐富的個人經驗,為許多學生度身訂造有效的升學方案,入讀心儀名校。 每一位同學都有自己嘅故事、自己嘅路,想知道最啱你嘅升學路,預約同我哋嘅顧問傾傾。

【KikiAllAboutUS】去美國讀書,令我更有自信!

🌞古銅色皮膚,係我鮮明嘅特徵。(所以新朋友通常好快認得我!😎)「Kiki,你又飛咗去邊啊?又黑咗嘅!」好多朋友都會咁樣同我打招呼。不過,細個嘅時候,我對自己嘅膚色其實唔係咁有自信。 由細到大,我嘅皮膚都好黑,加上我鍾意玩水上活動,從來都無白過!好細個嘅時候,都無咩感覺;直到升上小學,身邊嘅人開始討論呢樣嘢。小朋友好多時唔係有惡意,童言無忌,一齊玩果陣會講:「叫最黑果個去做啦!」之類嘅說話。尤其是喺香港,社會好崇尚皮膚要白,所有廣告都係話白就好睇、一白遮三醜。不知不覺間,我都受到影響,想令自己白啲,都會唔鍾意:點解我會被咁樣標籤呢? 由於天生就係咁黑,我努力學習接受自己,但一直都唔係好有自信。直到我中四果陣,去美國做交換生。其中一樣令我好驚喜嘅係,我嘅寄宿家庭同埋同學見到我,佢哋都係咁讚我嘅膚色好靚!😳 【學生分享】體驗當地生活 明白家庭的重要 原來好多美國人本身膚色白,好容易會睇落無精神、病嘅感覺;所以佢哋會無所不用其極,例如明知照太陽燈有致癌風險,都係要去照(好彩宜家多咗人去直接噴霧上色),務求令自己變成古銅色皮膚。但係對美國人嚟講,變黑並唔容易,因為佢哋好易曬傷☀,一曬就會變紅,甚至甩皮。我去美國之前,對自己嘅膚色唔係好有自信;無諗過地球嘅另一端,呢樣嘢會成日有人讚,甚至有人問我點樣曬出嚟、或者好羨慕我好容易曬黑。 呢一段經歷除咗令我更有自信,亦令我深深體會到美國文化其中一個優點:大家都會欣賞每個人嘅不同特點、擁抱不同文化,亦都鼓勵大家保持自己嘅獨特性。如果無去美國讀書,可能我仲係會為自己嘅膚色而煩惱,甚至唔再玩水上活動!🏄 正如我成日同學生講:「You are unique. You are capable.」😘如果你認真鍾意做一件事,唔洗擔心主流同你唔一樣,因為世界咁大,總有人會欣賞你。 相關文章: 【學生個案】找對學校 內歛男生學會成熟 #美國讀書#美國趣聞#美國升學#KikiAllAboutUS 美華文化專業顧問Kiki Wong曾參加美國高中交換生計劃,及後升讀美國首21名大學南加州大學,於美國三個城市生活七年。從事升學諮詢服務多年,透過深入了解同學及豐富的個人經驗,為許多同學度身訂造有效的升學方案,入讀心儀名校。 每一位同學都有自己嘅故事、自己嘅路,想知道最啱你嘅升學路,預約同我哋嘅顧問傾傾。

【學生個案】找對學校 內歛男生學會成熟

升學不應是A餐B餐之間的選擇,單憑網站評分或親友推薦,真的能找到合適的學校嗎? 17歲的Ray就讀一間不錯的英文中學,對很多科目都充滿熱誠,包括數學、科學、體育等。可惜因為Ray的英文程度不好,直接影響了他的學科成績。 經過與美華文化專業顧問進行面談後,Ray和家人做了一個重要的決定——到紐西蘭升學,就讀一間以戶外教學為主的學校。該校以學生的學習表現評分,而非著重學科考試,使Ray更投入學習。在新環境中,Ray更認識不少新朋友,英文水平大幅提升。當他回港探訪從前的英文老師時,終於可以用英文和老師談話,對答自如,令老師刮目相看。 【學生個案】留級生重拾學習自信 【家長必問】做完美國交換生,真的可以免DSE升大學嗎? 更重要的是,Ray變得更開朗及更有責任感。海外升學前,Ray的媽媽比他更緊張日後發展,所有事情都是交由媽媽處理;完成紐西蘭的中學課程後,Ray變得更成熟,懂得為自己的將來準備,規劃前程。Ray現已轉戰美國,就讀西雅圖的社區大學,準備繼續升讀大學,攻讀電子、科學相關的學科。 孩子的前途並非單憑一個公開考試決定。短短一年時間,Ray從一個內歛、成績差的男孩,慢慢找到自己的步伐,變得更有承擔,一步步實現理想。如果他一直強迫自己接受不適合的教育方式,會否得到今天的結果呢? 相關文章:留學不只死讀書!5個送子女出國留學的理由 每一位同學都有自己嘅故事、自己嘅路,想知道最啱你嘅升學路,預約同我哋嘅顧問傾傾。